Prazo de inscrición aberto ata o 6 de maio ás 23:59h
Day(s)
:
Hour(s)
:
Minute(s)
:
Second(s)
Mellora como docente ou profesional da orientación laboral as túas competencias dixitais e transforma a túa actividade coa intelixencia artificial.
A metodoloxía Bootcamp baseada en retos tipo permitirá aos participantes deseñar un proxecto educativo propio aplicando os contidos adquiridos. Cada semana combinará contidos asincrónicos (píldoras formativas en vídeo, materiais complementarios, tarefas e test) con sesións síncronas de traballo en grupo e webinars con profesionais de referencia.
Duración e calendario
- Duración: 5 semanas (carga lectiva: 70 horas)
- Datas: do 11 de maio ao 15 de xuño de 2026
Modalidade
100% online, flexible e con titorización continua
A quen vai dirixido?
Docentes que impartisen cursos de formación para o emprego dende o ano 2021.
Orientadores/as laborais en activo.
Requisitos de Participación
Residir en Galicia.
Experiencia docente en formación para o emprego ou orientación laboral demostrable (acreditable con certificado de empresa ou contrato onde se especifique claramente).
Competencias dixitais de nivel medio (acreditable mediante proba).
Dispoñibilidade semanal para completar as actividades (mínimo 10 horas semanais).
Dispoñibilidade para asistir ás sesións síncronas de 1,5 h. óu 2 h. os luns 11, 18 e 25 de maio; 1, 8 e 15 de xuño, de 16:00 a 17:30 (haberá 2 sesións 16:00 a 18:00).
Dispoñibilidade dun PC ou portátil con conexión a internet.
Módulos Formativos
MÓDULO 1 Fundamentos da Intelixencia Artificial e o seu impacto na formación.
MÓDULO 2 IA conversacional e asistentes intelixentes para a mellora da produtividade.
MÓDULO 3 Deseño pedagóxico e planificación formativa apoiada por IA.
MÓDULO 4 Creación de contidos didácticos multimedia mediante IA generativa.
MÓDULO 5 Uso responsable da IA: seguridade, privacidade e ética.
Metodoloxía
Metodoloxía Bootcamp baseada en retos.
Formación asíncrona con vídeos e recursos complementarios.
Retos semanais prácticos.
Sesións síncronas de traballo colaborativo con outros participantes.
Webinars con casos reais e resolución de dúbidas.
En que consiste a metodoloxía Bootcamp?
Cando dicimos que se emprega unha metodoloxía Bootcamp baseada en retos, referímonos a unha forma práctica e dinámica de aprender.
Cada semana, as persoas participantes recibirán un desafío ou “reto” concreto, vinculado aos contidos da formación, que deberán resolver aplicando o aprendido. Estes retos non son teóricos nin xenéricos: están deseñados para que cada persoa cree algo útil e aplicable á súa práctica docente.
Exemplos xenéricos de retos
- Deseñar unha clase empregando ferramentas de intelixencia artificial.
- Crear un recurso didáctico xerado con IA.
- Empregar ChatGPT para redactar unha guía de exercicios ou avaliar traballos automaticamente.
Este enfoque ten varias vantaxes
- Aplicación inmediata: apréndese facendo, non só lendo ou escoitando.
- Personalización: cada participante adapta os retos ao seu propio contexto.
- Progresividade: os retos están organizados para desenvolver paso a paso un proxecto educativo real.
- Motivación: ver resultados prácticos cada semana axuda a manter o interese.
En resumo, os retos son como pequenas misións semanais que permiten que o curso non só se comprenda, senón que se viva. E ao remate do programa, cada docente terá creado un proxecto educativo propio empregando intelixencia artificial.
IMPORTANTE: Para un correcto aproveitamento do curso, os participante deben comprometerse coa realización semanal de cada reto, sendo a súa realización e entrega requisito de avaliación.
Requisitos de superación
Completar o 100% dos contidos asincrónicos e superar os test.
Realizar e entregar os retos semanais.
Participar nun mínimo de 4 dos 6 webinars programados.
Realizar as tarefas de grupo asignadas.
Inscrición e Selección
O prazo de solicitude estará aberto desde a data de publicación na web de FUNGATRA ata o mércores 6 de maio de 2026 ás 23:59h. A inscrición realizarase a través do formulario dispoñible nesta ligazón: https://swiy.co/FUNGATRA-CAPACITA-2026
As prazas asignaranse por orde de inscrición, cumprindo os seguintes criterios:
- Confirmación da dispoñibilidade e medios técnicos no formulario.
- Participación no evento online de presentación o xoves 7 de maio de 16:00 a 17:00.
- Superación dunha proba de competencias dixitais realizada durante o evento do 7 de maio.
Só os 250 primeiros solicitantes serán convidados ao evento de presentación.
As persoas que cumprindo os criterios de selección non obteñan praza, pasarán a formar parte dunha lista de agarda ata o mércores 21 de maio.
As prazas asignadas a participantes que se den de baixa, non completen o primeiro módulo ou non entreguen o primeiro reto antes do 21 de maio (inclusive), serán reasignadas ás persoas en lista de agarda.
A partir do 21 de maio non se incorporarán novos alumnos ao curso.
Algúns Proxectos da Edición 2025
