Artesás
O programa do talento artesá feminino
ARTESÁS é un programa de formación, dinamización e acompañamento profesional dirixido a artesás do rural galego, organizado dende a Xunta de Galicia, a través da colaboración da Fundación Pública Galega da Formación para o Traballo (FUNGATRA) e da Fundación Pública Artesanía de Galicia.
A iniciativa nace co obxectivo de impulsar a profesionalización, a empregabilidade e a visibilidade das mulleres artesás, poñendo en valor o seu papel como transmisoras de oficios, cultura e identidade no rural galego.
O programa combina unha 1ª fase de formación práctica e creación de rede, aberta a un máximo de 40 participantes, cunha segunda fase de mentoring individualizado para 12 proxectos seleccionados. A través de píldoras formativas, encontros presenciais, networking e asesoramento especializado, as participantes traballarán aspectos clave como a xestión económica, a marca persoal, a fixación de prezos, a proposta de valor, as redes sociais e a colaboración entre proxectos.
Fase 1: Formación
(40 PARTICIPANTES)
Formación práctica e creación de rede.
Fase 2: Mentoring
(12 PROXECTOS)
Mentoring individualizado para proxectos seleccionados.
ARTESÁS busca fortalecer o sector artesán galego desde unha perspectiva profesional, colaborativa e territorial, favorecendo a consolidación de proxectos sostibles e a creación de redes de apoio entre mulleres artesás rurais.
FASE 1
Obxectivos Xerais
Impulsar a figura da muller no sector da artesanía rural galega.
Poñer en valor a figura da muller artesá como vínculo coa tradición cultural e profesional no rural galego.
Ofrecer unha visión profesional do negocio da artesanía a través dunha formación dinámica e participativa.
Traballar con mulleres, preferentemente, que xa están a desenvolver o seu traballo como artesás e contan co obradoiro inscrito no Rexistro Xeral de Artesanía da Xunta de Galicia.
Promover a colaboración entre as mulleres participantes.
Difusión do Programa, captación e selección de participantes
Lanzamento do programa e apertura de inscricións
Peche de inscricións
Prazas ofertadas
Programa formativo
Horas de formación
Primeiro encontro presencial e presentación do programa e as mulleres participantes
10 de Xuño (de 10 a 14 horas).
10:00 Benvida institucional
10:15 Presentación dos obxectivos do programa
10:30 Primeira pílula formativa: identifica as túas competencias emprendedoras
12:30 Networking
14:00 Peche
Pílulas formativas
Formato online: 09:00 a 11:00 horas.
12 de Xuño: Identifica as túas competencias emprendedoras.
16 de Xuño: Os números axúdannos a tomar decisións.
18 de Xuño: A nosa marca persoal, selo diferencial.
22 de Xuño: Fixar prezos para vender mellor.
25 de Xuño: A nosa proposta de valor fainos diferentes.
29 de Xuño: As miñas amigas as redes sociais
Segundo encontro presencial e peche da primeira fase do programa
30 de Xuño.
10:00 Benvida institucional.
10:15 Pílula formativa: Se nos aliamos, gañamos.
12:15 Selección das 12 participantes que acceden ás mentorías, que se desenvolverán na fase II.
12:30 Networking.
14:00 Peche.
FASE 2
Obxectivos Xerais
Ofrecer unha visión profesional do negocio da artesanía.
Traballar con 12 mulleres artesás que xa están a desempeñar o seu traballo como artesás e contan co obradoiro inscrito no Rexistro Xeral de Artesanía da Xunta de Galicia.
Apoiar a estas artesás nos procesos de mellora da súa actividade profesional.
Promover o apoio e a colaboración entre as mulleres participantes.
Difundir a súa actividade e promover os seus negocios.
Planificación cronográfica
Análise e diagnóstico da situación das actividades participantes
Do 8 ao 16 de Setembro.
Entrevistas individuais e de visita aos seus locais de negocio.
Determinación de obxectivos de mellora.
Emparellamento cun mentor ou mentora da área de traballo a mellorar.
Programa formativo
Primeiro encontro presencial
24 de Setembro de 12:00 a 15:00 horas.
12:00 Benvida institucional
12:15 Presentación das necesidades detectadas
12:30 Presentación pública por parte de cada muller artesá
13:00 Explicación da metodoloxía de asesoramento:
– Que son as asesorías e cal é a función dun/a asesor/a?
– O proceso do emparellamento entre emprendedora e asesor/a
– O acordo da relación e os compromisos adquiridos
– A construción compartida dos obxectivos para alcanzar
– A planificación das axendas das sesións de traballo (presencial e online)
14:00 Networking
Actividade de Asesoramento
24 de Setembro ao 24 de Outubro.
• Estimación de horas de traballo por cada artesá: 8 h.
• Selección do equipo de asesores/as en función das necesidades detectadas.
• Calendario: a fixar por acordo entre a muller artesá e o/a asesor/a (calcúlase entre 6 e 12 sesións, dependendo da súa duración).
• Proceso de matching ou emparellamento
– Presentación do/a asesor/a asignado e firma do acordo para o inicio da relación.
– Programación de obxectivos a alcanzar.
– Planificación e celebración das sesións.
– Avaliación e peche das actividades persoais.
Segundo encontro presencial e peche do programa
8 de Novembro de 13:00 a 15:00 hrs.
13:00 Benvida institucional
13:15 Presentación dos obxectivos alcanzados
(tras pasarlle un cuestionario anónimo de avaliación a todas as participantes e ao equipo de asesores/as)
13:45 Presentación pública por parte de cada artesá
14:00 Networking
15:00 Peche
Inscríbete xa no programa
