O delegado pon en valor a importancia da formación para integrarse no mercado laboral durante a clausura do Programa Integrado de Emprego de Marín

A iniciativa combinou formación especializada, orientación laboral e prácticas en empresas para facilitar a incorporación ao mercado de traballo.

Pontevedra, 23 de outubro de 2026

O delegado da Xunta en Pontevedra, Pablo Fernández, participou hoxe en Marín no acto de clausura do Programa Integrado de Emprego, unha iniciativa orientada a mellorar as oportunidades laborais das persoas participantes a través da formación, a orientación e o acompañamento na procura de emprego. Ao longo do programa atendéronse un total de 110 persoas, das cales o 50 % foron mulleres, o 35 % menores de 30 anos, o 5 % persoas con discapacidade e o 10 % persoas desempregadas de longa duración.

Durante o desenvolvemento desta iniciativa impartíronse especialidades como caixa e reposición, primeiros auxilios, atención a persoas dependentes, orientación sociolaboral e xestión contable, xunto con formación complementaria en ámbitos como a prevención de riscos laborais, a informática, a busca de emprego, o inglés, a loxística ou a intelixencia artificial.

Ademais, xestionáronse prácticas laborais non profesionais para 27 persoas participantes, case un terzo do total. A porcentaxe de inserción laboral situouse arredor do 35-40 % das persoas demandantes participantes, un resultado que pon de relevo a importancia de achegar a formación ás necesidades do mercado de traballo.

Pablo Fernández destacou a aposta da Xunta pola creación de emprego de calidade e pola formación como ferramenta para mellorar a empregabilidade e abrir novas oportunidades profesionais.