A directora xeral de Traballo Autónomo e Economía Social, Marta Mariño, participou hoxe no evento Amicos Empodera, dirixido a recoñecer o labor do alumnado durante os primeiros meses do Programa Integrado de Emprego (PIE) da asociación Amicos, que acada xa a súa cuarta edición.
A directora xeral valorou os resultados dos PIE subvencionados pola Consellería de Emprego, Comercio e Emigración de cara á inserción laboral das persoas participantes. Apostou pola coordinación entre administracións para seguir avanzando na formación para o emprego e no aumento das oportunidades laborais, especialmente relevantes -dixo- en colectivos como as mulleres ou as persoas con discapacidade.